Хаха, үнэхээр инээдтэй юм

Америкийн нэгэн цэргийн ангид нууцаар камер тавиад Чача бүжиг бүжиглэх аргыг заасан бичлэгийг хөгжмөөр сонсгоход цэргүүд аягүй хөөрхөн яг дагаад бүжиглээд байх юм. Би энэ бичлэгийг үзчээд хичнээн их инээвээ. Хөөрхөн бичлэг байна. Хахаха

Их хөгжилтэй юм, үзэхээр л инээд хүрээд байх юм. Хаха

 

Цэцэг, инээд 2-т бялуурч байгаа даа ,өнөөдөр

Єнєєдєр есдvгээр сарын 1.

Хонхны дуу цангинаж, сургуулийн анги танхимд хvvхдийн инээд цалгисан энэ єдєр Монгол Улсын хэмжээнд 814 цэцэрлэгт 140 гаруй мянган хvvхэд, ерєнхий боловсролын 753 сургуульд 523.5 мянган хvvхэд, Мэргэжлийн сургалт vйлдвэрлэлийн 64 тєвд 45 мянган сурагч, 113 их, дээд сургууль, коллежид 168 гаруй мянган оюутан хичээлийн шинэ жилээ эхлvvлж байна. ЕБС-ийг 12 жилийн сургалтын тогтолцоонд шилжvvлэх ажил энэ хичээлийн жилд ч vргэлжилж, 1,2, 3, 8 дугаар ангийн сурах бичиг, сургалтын хєтєлбєрийг шинэчлэн боловсруулж байгаа гэнэ. Мєн энэ хичээлийн жилд Кембрижийн олон улсын ерєнхий боловсролын стандартын лаборатор сургууль vvдээ нээж, ерєнхий боловсролын стандартыг Кембрижийн стаңдартад нийцvvлэх ажил хэрэгжиж эхлэх гэж байна. Дурьдаад байвал боловсролын салбарт олон зvйл байна аа байна.

Сургуулийн босго дєнгєж алхах гэж буй алдрайхан жаалуудаас эхлээд оюутан залуус шинэ ертєнцєд орж, шинэ найз нєхєдтэй болно гэж дэндvv их догдолсноосоо болоод шєнє хулжиж єглєєг угтана. Ээж, аавынхаа бэлдэж єгсєн шинэхэн хувцсаараа гангараад сургуульдаа очно. Эрдмийн єргєєний цангинасан хонх дуугарч, хичээл эхэллээ. Танил дотнохон сурагчийн дvрэмт хувцас, цэцгийн баглаа, цэцгэн дундаас инээх ангийн багш, анги ангиараа бєєгнєрєн зогсох охид хєвгvvд хэн хаана яаж амарснаа ярих гээд бvгд л ам хуурайгvй. Зуны гурван cap уулзаагvй болохоор хэн хэн нь илvv хєєрхєн, илvv гоё болчихсон юм шиг харагдаж байгаа. Ийм л сайхан єдєр, хичээлийн шинэ жил эхэллээ. Бяцхан биедээ баимгvй чадал мэдэн єєрєєсєє том цvнх vvрсэн бяцхан жаалууд энэ єдєр хамгаас хєєрхєн, хамгаас эгдvvтэй байна. Зайрмаг, чихэр иддэг цэцэрлэгийн жаахан хvv, охин байхаа больж эрдэм номд шамдах “том хvн” болж байгаагаа ч тэд vл мэднэ. Нулимстай, инээмсэглэлтэй хичээлийн шинэ жил хvvхэд насны хамгийн сайхан дурсамж. Арван жил нэг ангид сурч ижилдэн дассан найз нєхдєєс илvv нєхєрлєлийг би мэдэхгvй. Хэн ч болов хамгийн сайн найзаа насан багынх гэж хэлдэг. Тийм байхаас ч аргагvй. Хоол байвал идчихээд, хувцас байвал ємсчихєєд, зав гарвал эрхэлж тоглочихдог, сэтгэлдээ хиргvй, нvдэндээ гуниггvй насандаа танилцаж vерхэнэ, дотносдог болохоор л тэр.

Их, дээд сургуулийн оюутнууд ч мєн адил энэ єдєр хєл нь газар хvрэхгvй яваа. Машин зам хєндлєн гарч байгаагаа ч анзаарах сєхєєгvй догдолчихсон байна. Нэгдvгээр курст орж байгаа, хєдєєнєєс орж ирсэн залуус “гэрээ” олохгvй тєєрч шараа болохгvй юмсан гэж битvvхэндээ санаа зовж байгаа. Гэсэн ч vеийнхээ залуустай хєгжилдєєд завгvй яваа байх. Багш нар хамгийн гоё дээлээ ємсчихєєд одон тэмдгээ гялалзуулаад шавь нарынхаа єгсєн цэцгэн дунд тєєрчихсєн, гурван cap амраад ирсэн шавиа ч танихгvй будилж явах магад. Жил бvрийн есдvгээр сарын нэгэнд ийм л байдаг. Цаашид ч ийм л байгаасай. Багш, шавь хоёр єнєєдєр цэцэг, инээд хоёрт бялуурч єнжинє, сайхан байна шvv.

Э.Энх

Эх үүсвэр: Olloo.mn-ээс

Завтай мөртлөө завгүй өдрүүд

8 сарын 12-оос зуны амралт маань эхлээд 10 гаруй хонож байна. Блогтоо бараг бичлэг хийгээгүйгээ өнөөдөр мэдлээ. Хоёрхон бичлэг хийжээ. Хичээл номоо бол бүр сөхөж ч хараагүй, амралт эхэлснээс хойш ганц шагайгаагүй байна. Тэгээд бараг хагас сар юу хийв би гэдэг хүн? /Өөрийнхөө тухай эргэцүүлэн бодов/

Эхний 2 хоног хийх юм олдохгүй, их уйтгартай хэцүү байв. Ажилгүй хүмүүс яаж тэвчээртэй нь аргагүй удаан хугацаагаар юу ч хийлгүй амьдарч чаддаг байнаа гэж бодож, тэр хүмүүсийн тэвчээрийг биширч нэг үзэв.

Аз болж дараагийн өдөр нь нет ухаж яваад НУУЦ киног олж үзэн амьдралаа өөр өнцгөөс нэг харж үзэв. Би өмнө нь Нууц-ын номыг нь уншиж байсан ч кино шиг нь сайн ойлгоогүй л явж. Тэгээд НУУЦ-ыг амьдралдаа хэрэгжүүлэхээр шийдэв. Би ч угаасаа өөдрөг хүн, бас бага ч гэсэн амьдралын зорилготой болохоор энэ бол надад гайгүй амархан байнаа. Би мөрөөдлөө, зорилгоо байнга бичдэг. Сая харин өөр өнцгөөс харж байгаад шинэ зорилгууд ахиад биччихлээ. Харин мөрөөдлийн самбар хийж үзээгүйм байна лээ. Тэгээд тийм самбар хийхээр шийдэж гоё гоё зурагтай сэтгүүл олж ирсэн. Маргааш хийнэ дээ. Сэтгүүл хайх нэрээр хэд хоног дэлгүүр хэсэв. Бас зүгээр байсангүй гутал, хувцас, ном, сэтгүүл, харих болоогүй байж Монголд байгаа зээ дүү нартаа тоглоом, хувцас, бичгийн хэрэглэл гээд хэрэгтэй хэд хэдэн юм худалдаж аваад амжсан. Бас хажуугаар нь хэд хэдэн аятайхан кино нетээс олоод үзчихсэн. Юу ч хийхгүй, амраад, зүгээр байх их уйтгартай ч бас өөр төрлийн ажил амжуулахад аятайхан юмаа. 10 гаруй хоног зуны амралт эхэлсэн завтай мөртлөө, жижиг сажиг ажил амжуулсаар завгүй өнгөрөөжээ. Одооноос эхлээд амралтаараа Блогтоо жаахан цаг зав зарцуулнаа.

Дуучин Нара-гийн ухаалаг ярилцлага

Нетээр нэгжлэг хийж яваад (Хихи) дуучин Нара-гийн 2010 онд өгч байсан ярилцлагыг олж үзлээ. Ярьж байгаа зүйл болоод илэн далангүй байдал нь их таалагдлаа. Их ухаалаг, бас царайлаг хөөрхөн бүсгүй юм. Цаанаа л нэг донжтой, инээж байгаа нь сэтгэл татмаар сайхан бүсгүй юмаа.

Японд багагүй хугацаанд сурч амьдарч, Англи бас Япон хэл мэддэг гэхэд Монгол хэлээрээ их цэгцтэй, зөв ярьдаг нь надад хамгийн их таалагдлаа. Хичнээн гадаад хэл мэддэг ч гэсэн яриан дундуураа гадаад үг оруулахгүй Монголоороо ингэж сайхан цэгцтэй ярьж байгаа нь сайхан санагдлаа.

Нараг сонин хэвлэлээр янз бүрээр бичээд л байдаг, тэрийг нь уншсаар байгаад бараг сөрөг ойлголттой болсон байсан миний өчүүхэн бие энэ нэвтрүүлгийг үзээд огт өөр зүйл бодсоноо нуугаад яахав. Энэ бүсгүйгээр их бахархлаа. Ер нь бид ийм ухаалаг, сайхан хүмүүсийн үгийг сонсож, тэднийг ойлгож, дэмжиж баймаар санагдах юм.

НАРА чамд, чиний цаашдын уран бүтээл болон амьдралд тань өндрөөс өндөр амжилт хүсье.

 

 

Энэ нэвтрүүлгийг Youtube-ээс авсан боловч эх үүсвэр нь http://www.shinekino.mn байна лээ. Ийм сайхан нэвтрүүлэг оруулж өгсөнд баярлалаа.

 

Нууц

Хүсэл биелдэг.

Бодлын хүч бол маш хүчтэй. Юу бодно тэр бүхэн биелдэг.

Өнөөдөр таны бодож, мэдэрч байгаа бүхэн таны ирээдүйг бүтээдэг.

Үүний нууц юунд оршино вэ. НУУЦ-ын тухай кино…

 

Миний ард түмэн сайхан наадаарай.

Миний ард түмэн Дэнж хотойтол сайхан наадаарай.

Наадмын нээлтийг нетээр шууд үзээд сайхан байна. Эх орноороо бахархаад л сууж байна. Миний эх орон сайхан шүү. Наадмын нээлт ямар гоё болвоо. Үнэхээр сайхан зохион байгуулжээ. Нээлтэд оролцсон бүх хүмүүст баярлалаа.

Миний ард түмэн сайхан наадаарай.

Морь тань хурдан байж, Бөх тань босоо байж, Сум тань мэргэн байг ээ.

Олимпийн аварга Түвшинбаяр, аварга Х.Баянмөнх барилдаж байгаам байна сониноос. Бас 1024 бөх барилдаж байгаам байна. Сайхан наадам болж байна.

Миний дэмжиж байгаа нэг бөх бий. Тэр бөх санасандаа хүртэл барилдаасай гээд залбираад сууж байхаас. Бас манай садангийн ах маань сур харвадаг юм. Сум нь мэргэн байгаасай гээд залбираад сууж байя даа. Амжилт хүсье.

Дэндүү их баярын уухайн түрлэг оволзож, Дээд тэнгэрийн нарыг 3 юм шиг халууцлаа.

Бээжингийн Олимпийн аварга, МУ-ын Гавъяат тамирчин Э.Бадар-Ууганы тухай энэ сайхан дууг би их сонсох дуртай. Сонсохоор сэтгэл гэгэлзээд л Олимпийн аваргуудаараа өөрийн эрхгүй бахархах сэтгэл төрөөд омогшоод байдаг юм. 2012 оны Лондонгийн олимпод оролцох бүх тамирчдадаа ХАМГИЙН ӨНДӨР АМЖИЛТ ХҮСЬЕ.

Гайхалтай сайхан дуу.

Миний дуртай шүлгүүд 1…

За өчигдөр шүлгийн дэвтэр “нэгэн хүнээс түр авч” (хихи, уншсан хүн нь энийг ойлгоно доо), санамсаргүйгээр олон шүлэгтэй болсон тухай дурсамж бичсэн. Өнөөдөр харин өөрийн дуртай хэдэн шүлгээ интернетээс хайж байгаад Блог руугаа чирж авчраад хийчихье гэж бодлоо. Би энэ шүлгүүдэд их дуртай.

1.  Ц.Хулан :   ААВДАА

Сайхан залуу аавынхаа тэргүүнд буурал орсныг анх үзээд
Саваагүй томоогүй хүүхэд насаа би тэр жилийнх нь шувуудтай хамт буцаасан
Санчиганд нь нэмэх мөнгөн сорны тоогоор жаргаана даа тэгвэл гэхэд
Санаснаар даанч болохгүй юм ааваа.

Бүүвэйт хорвоод ижийн тухай дуу мэдээж олон
Бүдэгхэн гардаг зураг шиг, санаатай хийдэг алдаа шиг
Бүхий л орчлонд харин аавын ач гэж дуулдаггүй
Бүгдийнх нь аав ямар миний аав шиг бишдээ
Амттан зөөлөн хоёроор бялууруулдаг муу ижий минь
Айлын тавагнаас чихэр хармайлж шараа болгоно
Аав минь тэгэхгүйээ
Алаг чулуу хээрээс хормойлж хүүдээ зүслүүлнэ.
Алсын замд уулсын нэр тогтоолгож ухаан нэмнэ
Ээдрээт мянган харгуй төрсөн гэрийн гаднаас эхлэж
Эмээл дээрээ соёмботой унаган хүлэгийн нуруунд анх гарахад
Сансарт хүүхэд нь нисэх юм шиг санаж ээж нар цацлаа өргөж гүйлддэг
Саахалт ороод эргэх юм шиг санаж аав нар духыг нь ганц үнэрлэдэг
Адгаж ижий нар өдөржин радио шиг үгэлнэ
Амьдралд зөвхөн үнэнийг хэлэх гэж аав нар сумын үүзэл шиг хаа нэг дуугарна
Бие өвдлөө гэж ээж нар хүүхдээ аргагүй нэг айлгадаг
Битүүхэн дотроосоо нурж аав нар чимээгүйхэн өтөлдөг
Үхэж болохгүй тушаал авсан цэрэг шиг тэд
Үрс нь хөлөө олтол цоо эрүүл болж жүжиглэдэг
Ачийг тань хариулна гэж би олон жил худлаа ярьлаа
Ачийг нь гаргаж өгчхөөд харин нэг их гавъяатан шиг
Сөөг сөөг гэж хэвтүүлээд номхон тэмээг ноолуулах мэт
Сөөсгөр хэдэн бацааны өмнө хөгшин аавыгаа мөлхүүллээ
Гараа өргөж дайсандаа үг дуугүй бууж өгөх мэт
Гарцаагүй том алгаа дэлгэж та тэднийгээ хөтлөнө
Гариг дэлхийд уянгатай ийм найрагч байтлаа
Гангансан хэдэн зээтэйгээ хэдэнтэй хэлд орно
Гадаа нь навчис унаж, он жил биднийг унасан навчис шиг орхиж
Гайгүйдээ би аавыгаа жаргааж амжина гэж өөрийгөө хуурна
Ганцхан зүрхний тань цохилт намайг зэмлэн лугшиж
Газар дээр аав минь хүртэл мөнх бусыг сануулдаг аа
Хазайлгаж болохгүй титэм шиг нэрээр чинь би овголсон
Халуун зүрхний уярал хайр, гунигыг чинь хүртэл өвлөсөн
Өргөстөй орчлонд бүдчээд үйлж суухын цагтаа хүү нь
Өлгийг минь сийлсэн аавтай болохоор амьд явж чаддаг аа

http://lifeofzaraa.blogspot.com/-аас авав.

2. Р . Ч О Й Н О М   “МИНИЙ ШҮТЭЭН”

Холын бүдэгхэн цагийн минь хонины нэхийн өлгий чи

Энэ хорвоод юуг шүтдэгийн гэж эзнээсээ одоо асуу

Тохойн чинээхэн нялх үед минь

Толгойн дээр зүүлттэй байсан

Эсгийгээр хайчилсан үнэг чи эзнээсээ одоо асуу

Шүтлэгтэн биш гэлээ ч би

Шүтдэг ганцхаан шүтээнтэй

Огторгуй тэнгэрт би шүтдэггүй

Одон гаригт би шүтдэггүй

Омголон догшин байгалийн сүрт үзэгдэлд би шүтдэггүй

Олны хэл ам хараал ерөөлд би шүтдэггүй

Нүд аниж хувь тавиланг би шүтдэггүй

Нүгэл буян, бурхан чөтгөрийг ч би шүтдэггүй ээ!

Би эмэгтэй хүнийг шүтдэг

Би эх хүнийг шүтдэг

Би ээжийгээ шүтдэгийм

Би гагцхүү би гэдэг дотоод ертөнцийн минь

Биеийн минь

Хүчин чадлын минь

Бишдэд итгэх итгэлийг минь бүтээсэн

Аугаа их тэр уран хүнд

Амьд баримал, амьд зураг, амьд дууг бүтээж

Бурхан багшаас ч ид чадлаараа давсан

Буурал үстэй бяцхан эмгэний өмнө

Өөрийн эрхгүй сөхрөнөм

Он цаг, хүмүүс хоёрыг бүрхэг байх үеэр

Онгон элгэндээ намайг тэвэрч өсгөсийм эжий минь

Онгойж үлдсэн аавын минь орон дээр

Яруу найргийг бүүвэйлж өсгөсийм ижий минь

Учирсан бэрхийн өмнө унаж сөгдөлгүй

Улирсан сар жилүүдийн хойноос уйлж унжилгүй

Хэлхээ сувдан нулимсаа бүүвэйн дуу болгож

Хэнтйи нутгийн Боржигон тал дунд

Айлын ганц багана болж явахдаа

Энэ хүн арай ч ийм эмгэн байгаагүй юм

Өнөө харханаа намрын навч шиг өчүүхэн шар эмгэн

Намрын навч шиг өчүүхэн шар эмгэн

Намрын навч шиг биш хаврын цэцэг шиг найган дэлгэрч явсым

Найган дэлгэрч явсан хаврын цэцгийг хаврын цэцэг байхад

Наян нэгэн сүлжээ хархан гэзэг нь

Одоогийн бүсгүйн булчин шиг байхад

Нас нь залуу, шүд нь бүрэн, ухаан нь саруулхан байхад

Нар шиг залуус сар гэрэлтэн

Эрвээхэй шиг эргэж хоргож байхад

Алтан дэлхийн бүсгүй хүний

Адармаатайхан хувь заяа

Ард гаралтай энэ хүнээр

Арай хатуу тоглосым

Гал цог шиг залуу насны

Ган төмөр шиг бие цогцос

Ганган үзэмж, онгон хайрыг

Гар таталгүй хайрласан мөртлөө

Хамтад нь бас

Хар толгойгийг нь цагаан болтол нь

Хайрын сэтгэлээр үүрд өнчрөх

Хатуу тавилан заяасан байна

Эс танихаас панзчин шиг

Эрхэм дотноос архичин шиг

Элдэвтэй хорвоо

Миний ижийгийн элэг зүрх рүү цөм өшиглөж

Эрийг нь булааж, гэрийг нь хоослоод

Энрхий үрсийг нь тэврүүлээд

Ээрэм талын хөдөөгийн нэгэн өвөлжөөнд

Эргэж харалгүй орхисон байна

Цаг өөр байж

Цагаан гурил үйтэн хуарнаас үнэтэй байж

Цай алт шиг, талх мөнгө шиг байж

Цатгалан панзчид эзэн хаан шиг байж

Бугуйвч, бөгжнийх нь оронд

Будааг шанагаар нь биш ширхэгээр нь тоолох дөхөж байж

Ээмэг, даруулганых нь оронд

Эрээн даавууг уртаар нь биш утсаар нь хэмжих шахаж байж

Тэгэвч Монгол хүний сайхан сэтгэлйиг

Тэр дайн цуст шанагаараа хэмжиж чадаагүй юм

Тэвчээр, эхийн итгэл хоёрыг

Тэр жилүүд шуугиант зээл дээрээ худалдаж амжаагүй юм

Эрчүүдийн худал, үнэн үгэнд итгэж

Эрдэнэ болсон залуу насаа худалдаа нь үгүй ижий минь

Хуруугаа цоорч, нуруугаа бөхийтөл ажил хийж

Эргэх дөрвөн улиралд

Орон гэрээ ганцаараа тэжээсийм

Хүйтэн харанхуй шөнө

Хотны захад чоно улихад

Хүүхдүүдээ айлгахгүй юм шүү гэхдээ

Өөрөө айгаагүй дүр үзүүлж

Сүх барин сууж

Тэсэхэд бэрхэд салхи шуурганаар чагтаганаасаа зуурч

Тэнгэр ниргэсэн ширүүн мөндөрнөөр

Үр хүүхдээн харамлан халхлаж

Тэмээгээр орон газар очиж чихэр авчирч

Тэр жилүүдэд биднийг юугаар ч дутаалгүй хүн болгосым

Бид инээж, баясаж, хөөрч элэг бүтэн өсцгөөсийм

Биднээс нуугдаж харин хааяа ижий минь уйлж

Биднийг хүн болгосийм

Ээжийнхээ зовлонг мэдэхгүй бид

Байн байн л аавыгаа нэхэж

Элэг зүрхнийх нь шархыг урж, хөндөн хүн болсым

Гэвч амьдралд өвдөг сөхрөлгүй

Гэрийнхээ ганц алтан багана болж

Гэргий хүнд заяасан хүнд ачааг үүрч

Гэрл хөшөө мэт бат зогсож чадсымаа ижий минь

Одоо больждээ зайлуул

Ой ухаан нь уймраа, аймхай болж

Олон үгтэй, амархан баярладаг, амархан гомддог болж

Ойчсон цайндаа цацдаг, үмхсэн хоолондоо зогьсдог болж

Үг хэлэхлээр буруу дуулаал хадуурдаг болж

Үнс бужигнуулж зуухны өмнө хөөрдөг болж

Үүлэн сүүдэр дайрахад даардаг болчихож

Үдийн цай холдохыг даадаггүй болчихож

Хөөрхий ийм ч хүн байгаагүй юм шүү дээ гэж

Ижийгийн тухай хүн бүхэн ярина

Ийм байгаагүй нь үнээн

Ийм болгосон нь би байна

Гэвч чи намайг болгосон шүү гэж

Гэмлэж, зэмлэж нэг ч удаа хэлээ нь үгүй

Тэнгэр шиг уужим тэвчээртэйд нь

Тэнгис шиг гүн нинжин сэтгэлтэйд нь

Эгэлийн эгэл энэ хүнийг би шүтдэгийм

Энхрий сэтгэлтэн олончиг

Надад миний ижий шиг байгаа ч билүү

Эх хүн олончиг

Намайг миний ижий шиг хайрлаа ч билүү

Эр бие эндэж, тэнгэрт тулмаар хэрэг дэгдээвч

Эрх багынх шиг минь уучланхан суудаг

Эвдэрч хүний нүдний булай болсон ч

Эвийдээ эрдэнэ мэт

Үр минь хэмээн энрхийлэн байдаг

Энэ миний шүтээн

Өсөхөөс өдий болтол өвдөг сөхрөөгүй

Өнө мөнх ганц миний шүтээн

Өнөөдөр намрын навч шиг болсон

Өчүүхэн шар эмгэн ижий минь миний шүтээн

Өөр би юу шүтэхийн бэ?

http://decell.ucoz.com/ -оос авав.

3. М.Билэгсайхан : Эрчүүдээ өмөөрч бичсэн шүлэг

Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ
Эр нөхөр чинь үгүй бол гэрийн чинь зай эзгүйрнэ
Эрдэмт хөвгүүд чинь үгүй бол төрийн чинь зай эзгүйрнэ
Эр цэрэг чинь үгүй бол эх орон чинь эзгүйрнэ
Эр хүнийг та нар хааяа ч болов өршөөж бай
Эрлэгт явчихаас нь өмнө ханийн жаргал эдлүүл ээ.
Хэл нь тагнайгаа олохгүй тульдчиж
Хөл нь дэлхийгээ онохгүй тэмтчиж
Хааяа нэг халамцуухан ирэхэд нь
Хараалын үг урсгаж халаасыг нь битгтй хоосол оо
Янагын захиа л лав гарахгүй шүү дээ наадахаас чинь
Яахав дээ хөөрий шараа тайлах юмыг нь үлдээ
Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ.
Халуун залуу насыг нь хамт элээснээ бод оо
Хайрын галзуу дурлалд хамт элэгдсэнээ бод оо
Өөрийг чинь ээж болгосон эрийн тэнгэр юм шүү дээ
Үрийн чинь эцэг болсон хүний дээд юм шүү дээ

Хичнээн жил амьд явахыг мэдэж болдоггүй орчлонд
Хэзээ хаана жаргана гэж хэрүүлийн алим хуваах юм бэ
Хазайсан газар нь тэдэнд чинь бүүвэй ээж түшиг болдог юм
Халтирсан газар нь тэдэнд чинь бүсгүй хайр нөмөр болдог юм
Уул шиг юм гэж дандаа битгий давар
Үүл шиг нүүгээд явчихдаг юм
Ус шиг уян гэж дандаа битгий самар
Уур болоод дэгдчихдэг юм
Төгөлдөр их урмыг нь бүр хугалчихвал
Төрсөн шигээ уруугуу хараад уначихдаг юм
Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ.
Дээл бүсэн гоёлтой
Дээрээ малгайн хиймортой
Андынхаа дэргэд цовоожиж
Аавынхаа харцанд томоождог
Янагын сэтгэлд нялхарсан эрчүүдийг
Янжинлхамууд минь өршөө
Олон олон авааль гэргий та нараасаа
Олон олон аавын хөвгүүдийг
Өмөөрч бичсэн шүлгийг минь болгоо
Өөрийн минь биеийг битгий болгоо
Эр нөхөр чинь үгүй бол гэрийн чинь зай эзгүйрнэ
Эрдэмт хөвгүүд чинь үгүй бол төрийн чинь зай эзгүйрнэ
Эр цэрэг чинь үгүй бол эх орон чинь эзгүйрнэ
Эр хүнийг та нар хааяа ч болов өршөөж бай
Эрлэгт явчихаас нь өмнө ханийн жаргал эдлүүл ээ.

http://www.biirbeh.mn – ээс авав

4. Б.Ариунсан   МИНИЙ ХАЙР, МИНИЙ ХАНЬ

Итгэл сэтгэлийн гэгээ болж наддаа ирсэн

Эргэх цагийн аясыг дагаж нартад амьдарсан
Мөнхийн гэгээн хайраар тэтгэж хорвоог уяраасан
Миний насны итгэлт дагина миний хайр аа хө

Мөнхийн гэгээн хайраар тэтгэж хорвоог уяраасан
Миний насны итгэлт дагина миний хайр аа хө

Vvлэн чөлөөний нартай хамт хорвоог туулсан
Vгvйлж санахын жаргал амсаж гэрээ гийгvvлсэн
Vvрсэж ирэх хоногиин тоогоор намайгаа хайрласан
Vйлийн vргvй vнэнч амраг миний хайр аа хө

Vvрсэж ирэх хоногийн тоогоор намайгаа хайрласан
Vйлийн vргvй vнэнч амраг миний хайр аа хө

Хайр хайрандаа хамтдаа дэвтэж нэгнээ vгvйлсэн
Хавар хавартаа яргуй болж намайг сэрээсэн
Тулж тvших багана минь гэж насаараа ханилсан
Тулганы оргилон оргилох гал минь миний хайр аа хө

Тулж тvших багана минь гэж насаараа ханилсан

Тулганы оргилон оргилох гал минь миний хайр аа хө
Мөнхийн гэгээн хайраар тэтгэж хорвоог уяраасан
Миний насны итгэлт дагина, миний ханиа хө
Миний хайр аа хє, миний л ханиа хө

http://www.olloo.mn  -ээс авав. Энэ шүлгэнд хөгжмийн зохиолч М.Туяа ая хийж, МУГЖ дуучин Ч.Бат-Эрдэнэ дуулсан. Миний сонсох дуртай дуу.  Бараг л байнга аялдаг юм.

Энэ шүлгүүдийг уншихаар сэтгэл нэг их сайхан болчихдог юм. Ахиад тун удахгүй өөрийн дуртай бүсгүйчүүд, охидын тухай шүлгүүд оруулнаа.



Он цагийн тоолол

July 2017
M T W T F S S
« Mar    
 12
3456789
10111213141516
17181920212223
24252627282930
31