Өнгөрсөн ч хуучраагүй байгаа САР ШИНИЙН МЭНД

Бүх Монголчууддаа  сар шинийн мэнд дэвшүүлж, ирж буй ЛУУ жилдээ Элгээрээ энх амгалан

Төрлөөрөө түвшин амгалан байж

Юу санасан 9 цагаан хүсэл тань

Сэтгэгчлэн бүтэж

Идээ ундаа, эд баялгаар элбэг дэлбэг,

Үр хүүхдээр баян байж

Эрүүл энх байхын өлзийтэй сайхан ерөөлийг өргөн дэвшүүлье.

Монголд сар шинэ болоод сайхан байгаа даа. Хүний нутагт 2 дахь жилдээ сар шинийн баяртай золгож байна. Урд жилийн цагаан сараар яг шалгалттай байсан болохоор бөх ч үзээгүй, мөрөө ч гаргахаа мартсан байна лээ. Харин энэ жил бөх ч үзэв, мөрөө ч жам ёсоор нь гаргав. Өглөө босоод цонхоороо цайны дээж өргөсөн чинь Япончуудын гайхаж байгаа гээ. Намайг юугаа асгаж, цацаад байгаа юм бол гэж бодсон байх даа. Хэхэ. Манай байрны үүд яг машин замд тулсан байдаг учраас мөрөө гаргахдаа үүднээсээ шууд зам гарах хэрэгтэй болоод цагаан шугамаар биш гарцгүй газраар зам гарах гэж бөөн юм болсон. Нөгөө машины жолооч нар нь гайхаад л. Гарцаар гарах гэхээр зам дагаж явах болоод, хэрэв зам дагаж явбал мөр буруу гарчих гээд байрныхаа үүднээс шууд л зам хөндлөн гүйлээ. Жолооч нар нь намайг гайхаад л хараад байсан. Хэхэ. Энд гарцаар л зам хөндлөн гардаг болохоор машины урдуур ухас ухас хийгээд гарцгүй газраар зам гарахаар гайхах нь аргагүй л дээ.

Шинийн нэгний өдөр Япнд үнэхээр сайхан дулаан өдөр байлаа. Харин 2 хоногийн дараа цас, бороо холин ороод их хүйтэрсэн. Гэхдээ хүйтэрлээ гээд Монголыг яаж гүйцэхэв дээ. Сайндаа л -5 хэм хүрч байгаам чинь. Бид нар бол бараг даарахгүй, харин жаахан жиндээд байдаг юм.

Монголд их л сайхан сар шинэ гарч байгаа сурагтай. Сар шинээр Монголчууд мань бие биенээ хүндлэн, ахмад настнаа дээдлэн, сайн сайхныг хэлэлцдэг болохоор хамгийн сайхан баяр шүү.

Ирж буй Луу жил Монголчууд бидэнд ивээлээ хайрлаж, Монголчууд маань бүгд эрүүл энх байж, хүсэл бүхэн нь биелээсэй гэж ерөөе.

2012 ондоо хүссэн бүхэн чинь биелсэн сайхан жил байх болтугай

Шинэ он тун удахгүй гарах нь. Японд 2 дахь удаагаа шинэ оноо угтаж байна. Ноднингийнхийг бодвол энэ жил ханьтайгаа хамт байх нь ээ.

2011 онд шинэ зүйл сурсан, шинэ найз нөхөдтэй болсон, шинэ газар орон үзсэн сайхан жил болж өнгөрлөө. 1 жилийн дотор маш их зүйл сурч мэдэж, ухаарч авлаа. Хүний газар амьдрах ямар байдгыг, газар хөдлөлт байгалийн гамшиг ямар байдгыг ч мэдэж авлаа. Хүнд чин сэтгэлээсээ туслаж, хүнийг өрөвдөх, хайрлахын ухааныг ч мэдэрсэн жил байлаа. Хамгийн гол нь их зүйл сурч мэдсэн, ихийг ухаарсан сайхан жил болж өнгөрлөө.

Ирэх 2012 он маань бүр ч сайхан жил байна гэдэгт огтхон ч эргэлзэхгүй байна. Сургуулиа төгсөнө, эх орон луугаа харина, садан төрөлтэйгээ уулзана гээд л олон олон сайхан үйл явдал хүлээж байна.

Урагшаа зөвхөн урагшаа. 2012 онд эрүүл энх, аз жаргалтай амьдарч, хүссэн зүйлээ бас мөрөөдлөө биелүүлж амьдарнаа.

Ингээд ирэх 2012 онд Монголчууд маань бүгд эрүүл энх, аз жаргалтай байж, хүссэн бүхэн нь биелсэн, санасан бүхэн нь бүтсэн, хүн бүрийн сэтгэл тэнийсэн сайхан жил байх болтугай гэж ерөөе.

Бас Олимпийн аваргууд бөөнөөрөө төрөөсэй гэж хүсч бас залбирч байна.

Хүн бүрийн хүсэл биелсэн жил байгаасай гэж чин сэтгэлээсээ хүсч байна.

 

 

Нэг мэдсэн чинь 2-ын 2 сар…

Өнөөдөр нетээр жаахан зугаалаад. Танил блогуудаа уншаад сайхан байна өө. Тэгээд бодсон чинь би чинь блогтоо бичлэг хийлгүй нэг мэдсэн 2-ын 2 сар болчиж. Ийм удаан блогтоо ороогүйгээ гэнэт мэдлээ шдээ.

Танил блогуудаа уншиж суутал олон блогчид маань шинэ амьдралаар амьдраад эхэлснийг би гэдэг хүн сая л мэдэв. Олж мэдсэнээс лав Гуталчин болон Нараа 2 маань Японд ирээд эрдмийн их аянд мордоод, Япон хэл сураад бужигнуулж байгааг олж мэдлээ. Нарааг Япон явна гэж мэдэж байсан, харин  Гуталчин блогын эзэн энд ирж сурч байгааг өнөөдөр олж уншаад их гайхлаа. Бас их баярлалаа. Шинэ газар адал явдал дүүрэн л амьдарч байгаам байна. Хичээгээрэй. Та 2-тоо сурлагын өндөр амжилт хүсье.Шууд блогынх нь нэрээр хэлээд байж болж байна уу үгүй юу. Гуталчин гээд л…, уучлаарай.

ЭНЗО ба Эрх чөлөө блогын эзнийг тэнэг юм шиг 2 сар тэнэснийг мэдсэнгүй бас л 2 сар болчиж. Хихи

Гилийн хатан-г Монгол руугаа яваад Австралидаа буцаад ирснийг мэдээгүй л явсан байна. Хэхэ. Монгол явсныг нь мэдэж байсан, харин буцаад ирснийг нь өнөөдөр л мэдэв.

Амарсайхан ахын блогоор ороогүй хичнээн ч удаав дээ би гэдэг хүн. Өнөөдөржин уншлаа.

Блогын ертөнцөөс тасарцан хүн 1 ширхэг байнаа би гэдэг хүн. Хэхэ.

Блогууд унших завгүй, блогтоо бичлэг хийх завгүй би гэдэг хүн бараг 2 сар юу хийсэн болж байнаа гээд л эргээд санах ойгоо ухав. Хихи

Тэгээд тайлан гаргав.9 сарын 15-аас 11 сарын 13 хүртэл.

9 сард зуны амралт эхлээд аягүй сайхан завтай хүн байсан чинь гэнэт ажил оволзоод. Хэхэ. 5 хоног Токио, Нара, Киотогоор аялав. Аймаар халуун байсаан тэнд. Манай хот чинь сайхан сэрүүхэн юм байна лээ. Аяллаас дөнгөж ирчээд байж байтал багшаас и-мэйл ирээд, “10 сард болох нэг илтгэлийн уралдаанд орооч, Япон хэлээр илтгэл тавина, бичээд ир багш нь засаад туслая” гэсэн утгатай и-мэйл аваад. Тэрэнд нь зүгээр сууж байхаар үзээд алдая гэж бодоод илтгэлээ Япон хэл дээр бичээд, багштайгаа уулзаж шалгуулах, илгээх гэсээр 7 хонов. 2-хон нүүр юм бичихийн тулд 7 хоносон шдээ. Ичмээр.

Тэгээд л 10 сартай золгоод зуны урт амралт дуусаад хичээлдээ орсон. Хичээл эхлээд удаагүй  байтал найз бүсгүй минь надад даалгавар өгөөд. “20 гаран нүүр материал Англиас Монгол руу хөрвүүлж хайрла” гээд би гэдэг хүн “Үгүй” гэж чадсангүй. Яаж ч тэгэж хэлэхэв ганц найздаа. Өнөөхтэй нь зууралдсаар бас 7 хоногийг авав. Тэгээд л өнөөх илтгэлийн уралдаандаа ороод, хичээлдээ яваад судалгаагаа хийгээд, бас болоогүй ээ хажуугаар нь хагас бүтэн сайнд Сайн дурын ажилд яваад байтал нэг мэдсэн 11 сар гараад 10 гаран хоножээ. Илтгэлийн уралдаанаас хальт шагнал авч мөнгө авсан шүү нээрээ. 7 хоногийн хөдөлмөр зүгээр өнгөрөөгүйээ бас ч гэж. Хичээл эхэлснээс хойш 2 ч удаа илтгэл бэлдэж тавьсан. Бас одоо хүртэл хоргодох байранд амьдарч байгаа Япон хүмүүс дээр очиж, концерт тоглож, хоол хийж өгч 2 өдрийг өнгөөрөсөн. 10 сар үнэхээр завгүй байлаа.

Харин өнөөдөр гэртээ амраад нет ухаж өнжив. Сайхан амарч авлаа. Өнөөдрөөс эхлээд шинэ бичлэг зөндөө оруулнаа. Сонирхолтой, инээдтэй, бага зэрэг гунигтай гээд өнгөрсөн хугацаанд болсон үйл явдлаа дурдсан олон бичлэг оруулнаа.

 

Жаз хөгжмөөр амьсгалсан үдэш

Манай хотод 9 сарын 10, 11-ний өдрүүдэд 2 өдөр дараалан Жаз хөгжмийн фестиваль боллоо. Нийт 45 тайз зассан байсан ба бараг л 500 метрийн зайнд нэг тайз, ахиад 500 метрийн зайд өөр тайз байрлуулах маягаар бүх тайзаа хотоор нэг зассан байна лээ. Өөрөөр хэлбэл хотоор дүүрэн тайз засаад жаз хөгжим эгшиглээд, дуулаад л үнэхээр Жаз хөгжмөөр амьсгалсан өдрүүд байлаа.

Би ханьтайгаа хамт эхний өдөр нь өдөржингөө өглөөний 10 цагаас үдшийн 8 цаг хүртэл хотын төвөөр явж, Жаз хөгжмийн гайхамшгийг мэдэрч өнжив. Япончууд аливаа юмыг зохион байгуулахдаа үнэхээр гайхалтай сайн зохион байгуулдаг. Энэ нь ч сая болсон Жаз хөгжмийн фестиваль дээрээс харагдаж байна лээ.

Жаз хөгжим үнэхээр сайхан хөгжим юм гэдгийг анх удаагаа сэтгэлдээ шингэтэл мэдэрлээ. Үнэхээр сайхан аялгуутай, бас хөгжим нь уянгалаг юм. Ингээд ганц нэг зураг оруулъя.

Маш олон хүн ирсэн байна лээ.

Гарцаар гарч байгаа хүмүүс…

Энэ 5 залуу дуулна ч гэж үнэхээр үзүүлдэг юм байна лээ. Хүмүүс шуугилдаад л үнэн таашаалтай сонсож байна лээ .

Доорх зурган дээрх дуучид ч бас сайхан дуулж байна лээ.

Жаз хөгжимд би дуртай болчихсон шүү энэ оройноос хойш.

Зүүдээ гэж… Хэхэ

Би гудамжаар их л аз жаргалтай хүн жүжигчин Болд-Эрдэнэтэй хамт алхаж явах юм. Драмын 4 гээд байдаг нөгөө авъяаслаг, царайлаг 4 залуус болох Амгаа, Пара, Эби, Бооёо нарын Бооёотой нь би гэдэг хүн ичих ч гүй баясгалантай нь аргагүй хотын төвөөр алхаж байнаа. Хамгийн аймаар нь би нөхрөөсөө салчихсан байх юм гэнэ. Нөхөр маань хаа ч байгаам бүү мэд. Тэгсэн өнөөх Бооёо чинь “Би эхнэрээсээ салнаа, би чамд сайн” гэж байна. Би өөдөөс нь “Над шиг царай муутай амьтныг яаж тоовоо?” гээд л инээгээд байх юм. Тэгсэн харин “Чиний царайд чинь биш, харин сайхан сэтгэл, хөөрхөн аашинд чинь татагдчихлаа” гээд л над руу хараад зогсоод байх юм гэнэ. Би ичээд ч байгаамуу, санаа зовоод ч байгаам уу балмагдаад л дотроо “энэ үнэн ярьж байгаа болуу” гэж бодоод, аягүй муу санаатай хажуугаар нь. Хэхэ. Бас болоогүй ээ “”Би нэг юм асууя, Би ч яахав олны танил биш хүн. Өөрийг чинь л ийм хүүхэнтэй хотын гудмаар зугаалж байна, эхнэрээсээ салах гэж байгаа гээд хэвлэлээр бичээд байвал яахуу?” гээд л их ноцтой асуулт тавьж байнаа. Бооёо хариуд нь “Яадын яадын нэг л олдох нас юм чинь, хэн ч юу ч гэж байсан жаргаад л өнгөрөөх хэрэгтэй” гээд байхын. Тэгээд л бид 2 хотын төвөөр л алхаад байх юм, хаа ч хүрэх гэж байгаам, юу ч хийгээд яваад байгаам бүү мэд. Их аз жаргалтай 2 байнаа нээрээ. Тэгсэн гэнэт 1 сэтгүүлч бололтой хүн гараад ирсэн чинь нөгөөх чинь намайг чирээд л гүйчихсэн. Бид 2 аймаар хурдан гүйгээд л, би дотроо “ингэж гүйхээ мэдсэн бол өндөр өсгийтэй сандаал өмсөж байхаар намхан гутал өмсдөг байж” гэж бодоод байнаа хажуугаар нь. Гэнэт 1 томоо нүх гараад ирэхийн, тэгээд л бид 2 тэр нүхэн дээгүүр үсрэх гээд л ухарч байсан чинь хажуугаар машин яваад аймаар чанга сигналдаад, бид 2 цочоод эргээд хартал …… сэрүүлэг маань дуугараад би сэрчлээ. Хаха. Үнэн бол сайхан л байхаар зүүд байлаа. Гэхдээ л инээд хүрээд байх юм. Тэр сайхан залуу намайг тоогоод байхдаа яахав дээ ер нь. Би хэзээдээ ч, ямар ч шалтгаанаар нөхрөөсөө салчдын.  Хэзээдээ ч Монголд оччихдын. Зүүдээ гэж үнэн сонин ертөнц шүү.

Би тэр Драмын 4-ийн улаан фен л дээ. 2 удаа тоглолт хийхэд нь 2-ууланг нь үзсэн. Жүжгүүдийг нь бол алгасалгүй үздэг байлаа. Эх орондоо эргэж очоод бас л үзэх нь тодорхой. Дууг нь байнга сонсдог. Тэгээд л зүүдэнд ороо байлгүй дээ. Хэхэ.

Ийм учиртайм байна 2

Үргэлжлэл…

– Японы байрнууд гадна талдаа шаттай, гадна талаасаа гэр лүүгээ орно. Манайх шиг орцтой байр бараг л байхгүй. Байхгүй гэсэн ч болно доо. Дандаа гадна талаасаа шатаар өгсөж ордог байрууд байдаг. Монгол шиг орц хийхэд яадаг байнаа, гаднаас шууд орохоор гэрт жавар ороод хүйтэн баймаар юм гэж боддог байлаа. Гэтэл энэ нь өнөөх газар хөдлөх ч юмуу гэнэтийн асуудал үүсэхэд хэрэгтэй байдаг учиртайм байна. Өөрөөр хэлбэл газар хөдөллөө гэхэд хүмүүс орцоор дамжин гадагш гарахгүй харин шууд  гэрийнхээ хаалгыг нээгээд л гадагшаа гарна шүү дээ. 3 сард газар хөдлөхөд хүмүүс пижигнэлдээд л өнөөх гадны хаалгаараа үсрээд  үсрээд гарч ирээд байсан. Аюулгүй байдлын үүднээс ингэж барьдаг гэнээ. Энэ нь ч зөв юм. Орцтой байр бол орцоор нэг хүн бужигнаад бас л бөөн төвөг үүснээ дээ. Япончууд ухаантай.

– Анх энд ирэхэд дэвүүр барьж явсан хүмүүс хаа сайгүй л байсан. Тухайн үедээ гайхаж л байлаа. Гэтэл энд зун нь ерөөсөө нээх сайхан салхилдаггүйм байна. Их бүгчим халуун байх юм, дээрээс нь салхилахгүй болохоор өөрийн эрхгүй ямар нэг аргаар салхи бий болгомоор болох юм. Монголын үнэртэй салхи гэж үнэн үг юмаа. Хааяа нэг сайхан сэнгэнэтэл салхилаасай гэж бодох юм. Тэгээд халууцахын эрхэнд нөгөө дэвүүрийг чинь байнга хаа явсан газраа хэрэглэдэг болсон. Салхигүй бүгчим халуун байдаг болохоор хүмүүс дэвүүрийг байнга хэрэглэдэг учиртайм байна.

– Гудамжинд яг л нэг газраас өөр өөр өнгийн цэцэгнүүд байнга ургаад л байдын. Шар өнгийн цэцэг ургасан байхад хэд хоноод өнөөх шар цэцэг нь унаад оронд нь улаан цэцэг ургасан байх жишээтэй. Хэд хоноход өнөөх газар ягаан цэцэг ургасан байдын. Би үүнийг их гайхдаг байлаа. Гэтэл тэр цэцэг ургаад байгаа газарт хэд хоноод л хүн хүрч ирээд шинэ цэцгийн үр суулгаад байдым байна. Тэгээд л нэг газар байнга өнгө өнгөөрөө цэцгүүд ургаад байдаг учиртайм байна.

Үе үе газар хөдлөөд байх юм.

Шөнө сайхан унтаж байсан чинь газар нэлээд хүчтэй хөдлөөд, нөхөр бид 2 сэрээд орон дээрээ өндийж суув. Цаг харвал дөнгөж 3 цаг 50 мин. Өрөө маань нэлээн удаан хөдөлж байснаа болив. Газар хөдлөхөө больж байгаа нь тэр. Зогсохгүй цааш үргэлжилбэл хувцсаа өмсөөд гаръя гэж бодож байлаа.  Тэгээд яахав дээ хөдлөхөө болихоор нь хэвтээд өгсөн. Нэг хэсэг л нойр хүрэхгүй байсан ба өглөө нь босох гэтэл нойр хүрээд арайх гэж аргагүй хичээлтэй тулдаа л боссон. Хичнээн баллын газар хөдөлснийг шалгатал 6.2 баллын газар хөдөлжээ. Ойрд хүчтэй газар хөдлөөд л байх юм. Дандаа л 4-7 баллын газар хөдлөөд байгаа. Гайгүй байгаа даа гээд л залбирах юм даа. Эртээд 1 бүтэн сайны өглөө 7 баллын газар хөдлөөд авна лээ. Цунами болно гэж зарлаад бас л жаахан түгшүүрт автуулсан шүү. Азаар зүгээр өнгөрсөн. Гэхдээ Японы барилга нь үнэхээр найдвартай учраас санаа зовохгүй байноо сайхан.

Гэрийнхэн аль хэдийнэ мэдчихсэн өглөө утасдаастай. Зүгээрээ л гэлээ. Зүгээр юм чинь тэгж хэлэхээс ч яахав. Япончууд бол газар хөдлөхөөр тоохчгүй юм. Гэхдээ дотроо хөөрхий айж л байгаа байх л даа. Би заримдаа Япончуудыг өрөвддөг юм.

Ер нь эх нутаг минь үнэхээр бурхнаас заяасан амар амгалан орон юм даа. Монгол орон минь айх аюулгүй мандан бадраг.

Сэтгэл хөдлөөд баярлах сэтгэл хүрээд байх юм.

Монголчууд маань сайхан наадаж, 7 хоног сайхан амарч байх шиг байна. Энэ жилийн наадам сайхан боллоо. Наадмын нээлтийг  нетээр шууд үзсэн. Үнэхээр сэтгэл хөдлөм сайхан болсон байна лээ. Тийм гоё нээлт үзэхээр Монголоороо бахархах сэтгэл төрсөн. Наадмын нээлтэд оролцсон нийт уран бүтээлчид, хүмүүс, хүүхдүүдэд чин сэтгэлээсээ баярласнаа илэрхийлж ажил үйлст нь амжилт хүсье.

Наадмын бүх үйл ажиллагаа, бөх, сур, морио нетээр үзээд сайхан наадлаа. Энэ жилийн наадам аварга, арслан, гарьд, харцага, начин гээд бүх цолтон төрсөн дэлгэр сайхан наадам болж өнгөрлөө. Хамгийн гоё нь миний дэмжиж байсан бөх зорисондоо хүрч улсын цол авсан. Миний хамгийн сайн ганц найзын нөхөр нь болохоор улсын цолонд хүрээсэй гээд л залбираад л байсан, залбираад л байсан. Олон жил наадамд барилдаад харамсалтай нь дандаа 4 юмуу 5-ын даваанд уначаад байсан юм. Бөхийн өргөөнд болдог барилдаан, заалны барилдаанд гайгүй сайн барилдаад байдаг, бас улсын цол авах бөхчүүдийн тоонд жил болгон ордог боловч улсын цол авч чадахгүй л байсан юм. Харин энэ жил зорилгодоо хүрч чадлаа. 5 даваад начин цол авахаар нь ойрд баярлаагүйгээрээ их баярлалаа шдээ. Дэвхэрч босч ирээд л. Хэхэ. Өмнө нь яаж баярласан ч тэгж дэвхэрч байгаагүй л юм даг уг нь. Их баярласаан. Тэгээд л шууд найз бүсгүй рүүгээ залгасан, баяр хүргэсэн. Маргааш нь нөхөртэй нь ярьсан. Би энд ирэхээсээ өмнө тэдний гэрт очиж, тэр 2-т үүрэг өгсөн юм. “Намайг ирэхэд нэг нь наадмаар улсын цол аваад, нөгөө нь маамаа гаргаарай” гэж. Тэр 2 маань инээгээд л байсан. Гэтэл намайг 13-д утсаар ярихад “Би өгсөн үүргийг чинь биелүүлсэн шүү. Одоо найзын чинь л үүрэг үлдлээ” гээд инээж байна лээ. Нээрээ л тэгж чадлаа даа. Одоо ч гэсэн “Олон жил хүлээсэн цолондоо хүрч чадсан шүү” гэж бодохоор л сэтгэл хөдлөөд баярлаад байх юм. Нэг л сэтгэл хөдлөөд ойрхон бол гэрт нь очиж баяр хүргэмээр болоод л, эндээс дахин дахин утасдаж баяр хүргээд баймаар болоод сэтгэл хөдлөөд байн байн баярлах сэтгэл хүрээд байх юм.

Би хааяа найз бүсгүйгийндээ очиход нөхөр нь бэлтгэлдээ явсан, гэртээ байхгүй л байж таардаг юм. Би ч, найз маань ч аль аль нь өдөр ажилтай болохоор дандаа л оройн цагаар 8, 9 гээд л хааяа очиход найз маань л гэртээ байж байдаг, нөхөр нь бэлтгэлдээ явсан гээд гэртээ байхгүй байдаг юм. “Нөхөр өглөө ажилдаа, оройд байнга бэлтгэл гээд явдаг, оройд унах нь уу даа гэмээр хүн л ядарсаар орж ирэх юм. Би ч заримдаа бэртчих вий, биегүй болох вий гээд л санаа зовох юм. Би ч одоо оройд ганцаараа л байдын шдээ, эхэндээ эвгүй л байсан одоо ч сурчлаа даа” гэсээр найз бүсгүй маань ганцаараа л байж байдагсан.

Орой болгон бэлтгэл хийж, бөхийн спортоор уйгагүй хичээллэж, зүтгэсний хүчинд улсын цол хүртсэн хамгийн дотно найзын маань хань болох анд найздаа АМЖИЛТ, АЗ ЖАРГАЛ, ЭРҮҮЛ ЭНХ, САЙН САЙХАН БҮХНИЙГ чин сэтгэлээсээ хүсэн ерөөе. Зорисондоо хүрч аав, ээж, эхнэр, найз нөхдөө (өчүүхэн миний бие найзын тоонд чинь орж байгаадаа баяртай байгаа шүү.)  баярлуулсанд тань дахин баярлалаа. Та 2-тоо аз жаргал хүсч, маш олон хүүхэдтэй болж, санасан бүхэн нь сэтгэгчлэн бүтэж, үйлс бүхэн тань дэлгэрч байхыг хүсэн ерөөе.

Ойрын үед сэтгэл хөдлөөд баярлах сэтгэл хүрээд бас инээд хүрээд нэг л гоё байнаа.

Мөн энэ жилийн наадмаар цол хүртсэн бүх бөхчүүддээ, түүний дотор Улсын аварга болсон С. Мөнхбатад баяр хүргэж, цаашдынх нь ажил үйлсэд нь өндөр амжилт хүсье.

Амжилт гаргасан бүх сур харваачид, морио айрагдуулсан уяачид болон унасан хүүхдүүдэд бүгдэд нь баяр хүргэж амжилт хүсье.

Ийм учиртай юм байна.

Анх Японд ирчээд Япончуудыг хараад гайхдаг зүйл их байлаа.Харин одооноос учрыг нь олж байна.

1. Байрнууд нь Монгол шиг халуун усны паар байдаггүйд би их гайхдаг байлаа. Өвөл бол өрөө маш хүйтэн байдаг болохоор их хэцүү. Өрөөний хэм гаднах гудамжны хэмээс хүйтэн байдаг. Өвөл өрөөндөө их жихүүцнэ, тэгээд л бушуухан л хийн халаагчаа буюу heater-ээ залгаад сууна шүү дээ. Тэгсэн ийм учиртайм  байна. Байранд паар байхгүй байна гэдэг чинь газар хөдлөлтийн үед аюулгүй юм байна. Хэрэв паартай байсан гэж бодъё. Тэгээд өвөл газар хөдөлбөл өнөөх паар чинь хага үсрээд гэрээр дүүрэн халуун ус гоожиж, хүн түлэх аюултайм байна. Тэгээд л халуун усны паар байдаггүй, оронд нь хийн халаагч ашигладаг юм байна. Газар хөдлөнгүүт хийн халаагчийг унтраагаад л болоо.

2. Япончууд халуун цай бараг уухгүй. Хүйтэн ундаа, ус их ууна. Өдрийн хоолон дээр ч, гадаа гудамжинд ч, сургууль дээр ч хүйтэн юм л ууна. Бүр ресторанд ороход хүйтэн усан дээр мөс хийж өгдөг. Би их л гайхдаг байлаа. Би бол өвөлжин цай чанаж уусан юм. Гэтэл ойрноос борооных нь улирал болоод их халж байна. Энэ их халуунд чинь нөгөө халуун цагаа уунгуут хамаг хөлс урсаад хэцүү юм. Угаасаа цайсаг болохоор гэртээ цайгаа чанаад уучаад байгаа. Харин хичээл сургууль дээр,  гадуур яавахад өнөөх хүйтэн ус, ундааг нь уухаас өөр аргагүйд хүрч байна. Ангах, халууцахын эрхэнд нөгөө хүйтэн гээд байсан ус, ундааг уугаад л байгаа. Сонирхолтой нь хоолой өвдөхгүй юм. Бас л гайхмаар. Монголд ийм хүйтэн юм ууцан бол маргааш нь хоолой паг болно доо. Энд их халуун байдаг, маш их халууцаж ангадаг учраас байнга хүйтэн юм уудаг учиртайм байна.

 

Ямар өрөвдмөөр юм бэ, бяцхан хүүд амьдрал бэлэглэе

Хичээлээ тарж ирээд нет ухаж байтал ийм мэдээлэл олж уншаад баахан хямрав. Тэсэхгүй уйлчихлаа. Хөөрхөн хүүтэй боллоо гэж энэ 2 залуу ямар их баярлаа болоо. Гэтэл хийсч ирдэггүй гай болсон төрөлхийн өвчтэй гэнээ хүү нь.

Хүү нь нээх хөөрхөн, бараг л нялх хүүхдийн үнэр ханхлах шиг л боллоо. Маргааш эхний цагийн хичээл байхгүй, цөөхөн ч гэсэн хэдэн төгрөг дансанд нь хийхээр шийдэв. Өөрийнхөө мессенжер жагсаалтанд байгаа бүх хүнд мэдээг илгээв. Олон хүн мэдэх, мэдээд туслах тусмаа энэ хөөрхөн жаахан амьтан хорвоод хүн болж, сайн сайхан амьдарна шүү дээ. Олон хүний буян хүүд хүрэх болтугай. Амьддаа бие биенээ хайрлахын учир үүнд л орших байхаа. Түүнийг бурхан ивээг.